**Məni anarsan**
Dərdimi mən necə eləyim sevgilim
Gedirəm, dönməyə yox güman.
Hicranın alovu ucalan zaman,
Odda qovrularsan, odda yanarsan,
Sən məni düşünüb, məni anarsan
Demə ki, dünyanı tutub qalarsan,
Açan güllər kimi bir gün solarsan,
Özünü danlayıb, həm də qınarsan,
Gün gələr, gözəlim, peşman olarsan,
Sən məni düşünüb, məni anarsan.
Məhəbbət bağına yol salanları,
Eşqin zirvəsinə ucalanları,
Zövq ilə həyatda kam alanları,
Görüb bulud kimi sən də dolarsan,
Sən məni düşünüb, məni anarsan.
Tənhalıq ruhunu didər, parçalar,
Dünya gözlərində sönər, heç olar,
Əllərin hördüyü qara saç solar,
Hörgünlə qəlbimə körpü salarsan,
Sən məni düşünüb, məni anarsan.
Mən dünyadan bir gün köçəcəm,
Eşqin aləmində qalacasan tək,
Məsum, bir südəmər, körpə uşaq tək,
Sən də məhəbbətdən yetim qalarsan,
Sən məni düşünüb, məni anarsan
Alinti
Ptsi Eyl. 10, 2012 5:47 am tarafından 
Konu: **Məni anarsan** 